孕婦必看「恥骨分離」原因&解決方法
孕育新生命一直都係一件偉大嘅事。然而偉大嘅媽媽除咗要忍受懷孕期間骨盆關節同恥骨嘅疼痛，以及無異於十大酷刑嘅生BB之外，唔少媽媽仲要承受「恥骨分離」嘅痛！好多媽媽都想知產後恥骨痛多久，因此本文將會帶大家了解「咩係恥骨分離？」、「產後恥骨痛多久？」、「以及如何緩解治療恥骨分離？」等問題~
恥骨分離是什麼？
恥骨分離（Pubic Symphysis Diastasis）係一種常見產後病症，通常源於懷孕期間嘅生理變化所引起。恥骨分離係指恥骨聯合（位於骨盆前方嘅連接處）韌帶過度鬆弛，導致左右兩側恥骨之間距離增加超過1cm，甚至出現上下錯位。呢種情況會引發局部疼痛，同時導致下肢抬舉困難。
懷孕時，體內荷爾蒙（例如鬆弛素同黃體素）嘅分泌會導致韌帶鬆弛，增加骨盆容納空間，以便俾寶寶順利出世。呢個雖然係正常生理變化，但亦會造成骨盆結構唔穩定，導致產後疼痛。
恥骨聯合分離症狀
恥骨分離是什麼 之 恥骨聯合分離症狀1：局部疼痛
恥骨區域疼痛，疼痛可能向下延伸至大腿內側或雙腿之間，令走動、翻身、上下樓梯或打開雙腿時會有不適感，夜間疼痛可能加重，影響睡眠品質。
恥骨分離是什麼 之 恥骨聯合分離症狀2：活動受限
輕則行動緩慢無力、上落樓梯同單腳企、彎腰、翻身等動作，都會令疼痛加劇；嚴重嘅時候疼痛劇烈、活動受限、雙腳難以負重、行唔到、翻唔到身等。照顧自己都有難度，更何況要照顧BB…
恥骨分離是什麼 之 恥骨聯合分離症狀3：肌肉緊繃
部分情況下，附著喺恥骨上嘅肌肉會緊繃，令郁動嘅時候恥骨部位出現摩擦聲或彈響感。特別係轉身或改變方向嘅時候，身體會感覺唔穩定，進一步影響活動。
恥骨分離是什麼 之 恥骨聯合分離症狀4：尿頻、大小便失禁
由於恥骨同骨盆都會因懷孕而改變，盆底肌肉鬆弛會令媽媽出現頻尿、大小便失禁、子宮或膀胱下垂同埋性功能障礙等問題。
什麼人容易出現恥骨分離？
一般嚟講，第一次生BB嘅媽媽、陀多胞胎或產程遲滯嘅媽媽較容易發生恥骨分離。由於佢哋體內荷爾蒙變化令子宮擴張，適應上比較劇烈，骨盆承受壓力增加，從而增加恥骨分離風險。另外，陀住巨嬰、要用真空吸引/產鉗輔助生產嘅媽媽都會面臨較高恥骨分離嘅風險。
然而恥骨分離痛並非只有產婦會出現恥骨分離。根據美國National Library of Medicine，如果天生骨盆結構異常、內分泌失調、或者有其他先天性疾病，都會令非產婦出現恥骨分離。當然，有外傷/事故、體重急劇變化、以及長期不良姿勢都會影響骨盤同恥骨嘅穩定性，繼而增加恥骨分離風險。
產後恥骨痛多久？
北京大學第一醫院婦產科主任醫師陸葉指，產後恥骨痛多久取決於產婦體質以及恢復情況。通常會喺產褥期內自行好轉，所以產後恥骨痛多久大約係產後6週左右。6週內正常會感覺到疼痛有所緩解，但亦唔排除症狀持續存在。有啲媽媽會持續3到6個月，甚至更長時間。視乎情況，恥骨分離痛雖然會對日常生活造成影響，不過通過適當護理同物理治療，疼痛會逐步緩解。
如何舒緩/治療恥骨分離？
正如上述所講，恥骨分離並唔係只可以等痛症自行好轉，適當護理係有助更快恢復的。根據中國醫藥大學附設醫院中醫婦科洪皓脩中醫師建議，媽媽們可以使用以下幾種方法幫助。
恥骨分離改善方法1 - 戴骨盆帶
骨盆帶有助增加骨盆穩定度，所以症狀輕微嘅媽媽可以喺日常活動嘅時候穿戴 1-2個鐘，舒緩疼痛。
恥骨分離改善方法2 – 冰敷
如果冇骨盆帶嘅話，喺嚴重疼痛嘅時候可以隔毛巾冰敷5至10分鐘嚟舒緩疼痛感。
恥骨分離改善方法3 – 運動
喺進行恥骨分離運動之前，首先各位媽媽要儘可能避免骨盆前傾嘅動作，例如挺腰翹臀。由於類似動作會導致身體重心前移，對恥骨聯合造成更大張力，進一步惡化情況。搬提重物、盤腿、跨坐等姿勢都應該儘可能避免。
恥骨分離運動1：游水
水嘅浮力可以減少對身體關節壓力、放鬆肌肉、減輕疼痛同不適感。同時作為一種全身性運動，游水可以加強核心肌肉群以及骨盆底肌肉嘅力量，穩定恥骨區域，暫時性舒緩疼痛感。
恥骨分離運動2：腹橫肌訓練
仰躺將一手擺喺肚上面，吸氣嘅時候慢慢脹起個肚，呼氣嘅時候令腹部凹陷，腰部要貼實床面等軟硬適中嘅平面，並感覺腹肌收縮嘅力量。吸一次同呼一次作為一組，早晚都做10組。腹橫肌訓練可以改善姿勢，分散壓力，從而減少恥骨區域嘅疼痛。
恥骨分離運動3：骨盆底肌訓練
訓練有兩種，第一種係小便嘅時候將尿液中斷停止解尿。要先記住骨盆底肌肉收縮、中斷排尿嘅感覺。第二種訓練係平躺屈膝，採取同上面一樣嘅方式出力收縮骨盆底肌肉，持續5-10秒再放鬆，每日早晚各練習10次。骨盆底肌訓練可以強化骨盆底肌肉緩解恥骨區域嘅疼痛同不適感外，透過肌肉控制尿道，以便改善產後失禁問題。
恥骨分離改善方法4 – 中醫治療
而更便捷嘅方法就係由中醫進行治療~ 例如Miris Mama嘅「少女緊」，包括「詳細恥骨及骨盆檢測」、「正骨復位手法」兩個項目，由擁有多年專業經驗嘅註冊中醫主理。中醫會先進行恥骨同骨盆檢查，從而定斷恥骨分離嘅成因同根源，並定立最有效嘅治療方案。隨後透過獨家手法整復骨盆、恥骨位置，針對患者以上位置進行骨骼調整，以改善姿勢同骨骼錯位問題，從而改善恥骨分離痛症。「少女緊」不但可以幫解決恥骨分離痛症，還可以改善因懷孕荷爾蒙變化而引發腹部問題，例如下腹下垂、內臓移位、私密處鬆弛等，讓孕媽媽身心都能得到解脫。
